06 ഓഗസ്റ്റ് 2012

അഴിമതിക്കെതിരെ ഒറ്റമൂലി...!

Buzz It


ഹസാരെ സംഘം പിരിച്ചുവിട്ടു; രാഷ്‌ട്രീയ പാര്‍ട്ടി രൂപീകരിക്കും എന്ന വാര്‍ത്ത വന്നതുമുതല്‍ ഇനി ആര് അഴിമതി തുടച്ച് നീക്കും എന്ന ചിന്തയിലാണ് ഞാന്‍. രാഷ്ട്രീപ്പാര്‍ട്ടി രൂപീകരിക്കും എന്നിട്ട് അഴിമതിക്കെതിരെ അടരാടിക്കളയും എന്നൊക്കെ പ്രഖ്യാപിച്ചാല്‍ അതൊക്കെ ദഹിക്കാത്ത ബീഫ് കഷണങ്ങള്‍ വയറിളകിപ്പോകുമ്പോലെ അങ്ങ് പോകും..!!

എന്തായാലും അണ്ണാഹസാരെ പിന്വാങ്ങിയ സ്ഥിതിക്ക് ഒന്നു ശ്രമിച്ച് നോക്യാലോ എന്ന് ആലോചിച്ച് തലപുകച്ച് ..സോറി സിഗരറ്റാണ് പുകച്ചത്..!

ഒരൊറ്റ ഐഡിയ.. ( അഭിഷേക് ബച്ചന്‍റെ ഐഡീയ അല്ല) . ഇത് എന്‍റെ ഐഡീയ.

എല്ലാ അഴിമതിയുടെയും കാരണമെന്താ.. പണം..!

അപ്പോള്‍ പണം .. കറന്‍സി / നാണയം നിരോധിച്ചാല്‍ അഴിമതിക്ക് അറുതി വരുത്താന്‍ കഴിയില്ലേ? കഴിയും

ഓ.. വീണ്ടും മറ്റൊരു പ്രശ്നം
ജനങ്ങള്‍ എങ്ങനെ ക്രയവിക്രയം ചെയ്യും..?

ക്രെഡിറ്റ് / ഡെബിറ്റ് കാര്‍ഡുകള്‍ ഉപയോഗിക്കാം.. എന്തീസി അല്ലേ..?

പച്ചക്കറി വാങ്ങാനും, പെട്ടിക്കടകളില്‍ നിന്ന് സാധനം വാങ്ങാനുമെല്ലാം ഡെബിറ്റ് കാര്‍ഡോ? സോറി ബ്രദര്‍ .. അങ്ങനെ ആയാല്‍ എന്താ കുഴപ്പം.? പെട്ടിക്കടകളില്‍ സ്വൈപ് മെഷീനുകള്‍ വെയ്ക്കരുതെന്ന് നിയമമൊന്നും ഇല്ലല്ലൊ..!


അണ്ണാ ഹസ്സാരെയ്ക്കും സംഘത്തിനും സമരങ്ങള്‍ക്കും ചെയ്യാന്‍ പറ്റാത്തത് വളരെ ഈസിയായി നടപ്പിലാക്കാം. പക്ഷേ മനസു വെയ്ക്കണം..അതിന് തക്ക ഇശ്ചാശക്തിയുള്ള രാഷ്ട്രീയക്കാരന്മാരും സാമ്പത്തികശാസ്ത്ര വിശാരദന്മാരും ഇന്ത്യയില്‍ ഉണ്ടോ?കാണുമായിരിക്കാം എന്ന് പ്രത്യാശിക്കുന്നു.

മൊത്തത്തില്‍ വിരോധാഭാസമായി തോന്നാം എങ്കിലും മുന്നോട്ട് വായിക്കൂ..

കറന്‍സി നിരോധിച്ചാലുണ്ടാകുന്ന ഗുണങ്ങള്‍

1.കറന്‍സി നിരോധിക്കുന്നതിനാല്‍ പുതുതായി അച്ചടിക്കേണ്ടതില്ല, പേപ്പര്‍ ലാഭം, ജീവനക്കാരുടെ ശമ്പളം ലാഭം (അവരെ പുനഃരധിവസിപ്പിക്കാനുള്ള പ്ലാനുകള്‍ ഉണ്ടാക്കണം..)
2.അച്ചടിച്ച കറന്‍സി ഷിഫ്റ്റ് ചെയ്യാനുള്ള ബുദ്ധിമുട്ടുകള്‍ ഒഴിവാക്കാം.
3.കറന്‍സി അച്ചടിക്കുന്ന മെഷീനും മഷിയും നമുക്ക് വിദേശത്ത് ആര്‍ക്കെങ്കിലും വില്‍ക്കാം. അല്ലെങ്കില്‍ ഏതെങ്കിലും പ്രസുകാര്‍ക്ക്.. ഓ എന്തേലുമാകട്ട്.
4. എകോ ഫ്രെണ്ട്ലി എന്ന് വിളിച്ച് കൂവുക മാത്രമല്ല നമ്മള്‍ എകോ ഫ്രെണ്ട്ലി ആണെന്ന് തെളിയിക്കുകയും ചെയ്യുന്നു.


കറന്‍സിക്ക് പകരം എന്ത്..?

1.ഓണലൈന്‍ ബാങ്ക് ട്രാന്‍സ്ഫറുകള്‍ ഇപ്പോള്‍ പ്രചാരത്തിലുണ്ട്..കൂടുതല്‍ പ്രചാരം കൊടുക്കണം..
2. ആശുപത്രികള്‍ / വ്യാപാര സ്ഥാപനങ്ങള്‍ തുടങ്ങിയ എല്ലാ ഇടപാടുകളും ഓണ്‍ലൈന്‍ / ഡെബിറ്റ്/ ക്രെഡീറ്റ് കാര്‍ഡുകള്‍ വഴിയായിരിക്കും. മീന്‍ വാങ്ങുന്നത് വരെ..!

ഫലം

1. കൈക്കൂലി കൊടുക്കാനും വാങ്ങാനും എളുപ്പമല്ല.
2.എല്ലാം ബാങ്ക് വഴിയായതിനാല്‍ ടാക്സ് വെട്ടിക്കാന്‍ സാധിക്കില്ല
3. കള്ളനോട്ടിനെ പേടിക്കണ്ട..!!
4. റിയല്‍ എസ്റ്റേറ്റ് മാഫിയകള്‍/ കൊള്ളസംഘങ്ങള്‍/ അഴിമതിക്കാരായ ഗവഃ ജീവനക്കാര്‍ & മന്ത്രിമാര്‍/ സ്വാമിമാര്‍ മുതല്‍ എല്ലാവര്‍ക്കും ഇത്തരം ബാങ്ക് ഇടപാടുകള്‍ പാരയാകും.

ഇത്തരം ഒരു സം‌വിധാനം നടപ്പിലാക്കാനുള്ള പ്രായോഗിക ബുദ്ധിമുട്ടിനെപ്പറ്റി ചിന്തിച്ച് അവഗണിച്ചാല്‍ നാം നമ്മുടെ ഇന്ത്യയെ എന്നന്നേയ്ക്കുമായി അഴിമതിയുടെ ചെളിക്കുണ്ടില്‍ നിന്ന് കരകയറാന്‍ മനഃപൂര്‍വ്വം സമ്മതിക്കുന്നില്ല എന്ന് വേണം കരുതാന്‍. നിലവിലുള്ള ബാങ്കിംഗ് സംവിധാനങ്ങള്‍ ഒന്നുകൂടെ വിപുലപ്പെടുത്തുകയെ വേണ്ടൂ..!

ലോക്പാല്‍ ബില്ലിന്റെ കാര്യത്തില്‍ അനിശ്ചിതത്വം തുടരുകയാണ്. ലോക്‌സഭ ബില്‍ പാസ്സാക്കിയെങ്കിലും ഇതുവരെ രാജ്യസഭയില്‍ എത്തിയിട്ടില്ല. മാത്രമല്ല, ബുധനാഴ്ച ആരംഭിക്കുന്ന വര്‍ഷകാല സമ്മേളനത്തില്‍ ലോക്പാല്‍ ബില്‍ ഉള്‍പ്പെടുത്തിയിട്ടുമില്ല. സര്‍ക്കാരിന് താല്‍പര്യമില്ല എന്നു കരുതിക്കോളാന്‍ അണ്ണാ ഹസാരെയും പറയുന്നു. ലോക്പാല്‍ ബില്ല് പാസാക്കിയാല്‍ അഴിമതി തടയാന്‍ പറ്റുമെന്ന് ഉറപ്പില്ലാത്ത സ്ഥിതിക്ക് മുകളില്‍ പറഞ്ഞ കാല്‍വെയ്പ്പ് ഇന്ത്യക്ക് പുരോഗമനമുണ്ടാക്കട്ടെ. ആമേനാമേന്‍ !!




11 അഭിപ്രായങ്ങൾ:

  1. ഇതില്‍ കമന്റ്‌ ചെയ്യണം എങ്കില്‍ ചെലവ് ചെയ്യണം - എന്റെ അക്കൗണ്ട്‌ നമ്പര്‍ തരാം .അതിലോട്ടു ഒരു നൂറു ദിര്‍ഹംസ് ഓണ്‍ലൈന്‍ ട്രാന്‍സ്ഫര്‍ ചെയ്യുക. നാട്ടില്ലാണെങ്കില്‍ ഗേറ്റില്‍ വെച്ചിട്ടുള്ള മെഷീന്‍നില്‍ സ്വൈപ് ചെയ്താലും മതി. ( അതെ പട്ടി കടിക്കും സൂക്ഷിക്കുക എന്നെഴുതിയ ബോര്‍ഡിന് കീഴെ ഒളിപ്പിച്ചു വെച്ചിട്ടുള്ള മെഷീന്‍നില്‍ )
    സ്വാമി രാമസ് ദേവ് താങ്കളെ അനുഗ്രഹിക്കട്ടെ

    മറുപടിഇല്ലാതാക്കൂ
  2. വല്ലാത്ത ബുദ്ധ്യന്നെ..ബുദ്ധി....!!!

    മറുപടിഇല്ലാതാക്കൂ
    മറുപടികൾ
    1. ഓ..ഇതൊക്കെ എന്ത്..!

      പ്രായോഗികമായ നിര്‍ദ്ദേശ ശകലങ്ങള്‍ പ്രതീക്ഷിക്കുന്നു..!

      നന്ദി സര്‍..ഇവിടെ വന്നതിനും അന്യം നിന്നുപോയ ബ്ലോഗെഴുത്തിനെ പ്രോത്സാഹിപ്പിക്കുന്നതിനും നന്ദി

      ഇല്ലാതാക്കൂ
  3. മേലില്‍ ഇത്തരം പൊട്ടത്തരങ്ങള്‍ പറയരുത് .......... ;)
    അക്ഷര വിദ്യഭ്യാസം ഇല്ലാത്തവന്‍ ഉള്ള നാടാ ഇനി ക്രെഡിറ്റ്‌ കാര്‍ഡ്‌ ഡെബിറ്റ്‌ കാര്‍ഡ്‌ കോപ്പ് മാങ്ങാ തൊലി

    മറുപടിഇല്ലാതാക്കൂ
    മറുപടികൾ
    1. അക്ഷരാഭ്യാസം ഇല്ലാത്തവര്‍ വരെ മോബൈല്‍ ഫോണ്‍ ഭംഗിയായി കൈകാര്യം ചെയ്യുന്ന നാടാ ഇന്ത്യ..! ഇന്ത്യ എന്താണെന്ന് അറിയണമെങ്കില്‍..
      ഐ ഫോണില്‍ ഗൈം കളിക്കുന്ന കോമ്പ്ലാന്‍ ബോയ്കളുടെ ഇന്ത്യയെ നീ കണ്ടിട്ടുള്ളൂ.. ഡീസ്പ്ലേയ് അടിച്ചുപോയ ചൈനീസ് മൊബൈലിലൂടെ പണക്കാരെ വിരട്ടുന്ന പാവം കിഡ്നാപ്പെര്‍സിന്‍റെ ഇന്ത്യ നിനക്കറിയില്ല..!അതിന് സെന്‍സ് വേണം ഒപ്പം സെന്‍സറും..സെന്‍സിറ്റിവിറ്റിയും..സെന്‍സിബിലിറ്റിയും കൂടെ എടുത്തോ..

      ഇല്ലാതാക്കൂ
    2. എനിക്ക് സംശയം നിനക്ക് ക്രെഡിറ്റ്‌ കാര്‍ഡ്‌ തട്ടിപ്പ്‌ നടത്താനുള്ള പുതിയ പരിപാടി ആണെന്ന ;- )

      ഇല്ലാതാക്കൂ
    3. ഹ്ഹ്ഹ്ഹ്.. ചക്കരെ എന്നാപ്പിന്നെ നോം ആരായിരുന്നു..!! വല്യ ബുസി ആയിരുന്നേനെ.. ഇതിനകത്തൊക്കെ കുത്തിപ്പിടിച്ചിരുന്ന് ജീവിക്കേണ്ട കാര്യണ്ടാ..!

      നന്ദീ വേട്ടക്കാരാ.!

      ഇല്ലാതാക്കൂ
  4. കൊള്ളം അഴിമതി അവസാനിച്ച്‌ കണ്ടാല്‍ മതി

    മറുപടിഇല്ലാതാക്കൂ
  5. പഴുതുകളില്ലാത്ത രീതിയില്‍ എക്സിക്കൂട്ട് ചെയ്താല്‍ വിജയിക്കും

    നന്ദി.. ബഷീര്‍ കെ പി

    മറുപടിഇല്ലാതാക്കൂ
  6. 100 രൂപ വരെയുള്ള നോട്ട് നിലനിര്‍ത്താം. ദൈവമേ ടാക്സ്‌ കൊടുത്ത് മുടിയുമല്ലോ!! :)

    മറുപടിഇല്ലാതാക്കൂ